انا ليا فتره طويله يمكن من شهر وعدتكم اني انزل كل شي عن غرفتي من طقطق للسلام عليكم سامحوني اتأخرت عليكم لانو كانت في اشياء ناقصتني و مازال في بعض الاشياء
اول شي نبدء في البويه انا جدا عانيت من غرفتي القديمه كان لونها موف و بينك و كان نص الجدار التحتاني ورق و النص الثاني بويه عاديه و الورق كان اصلي و مركب من قلب اتخيلو عشان يتفك اتطرو انهم يجيبو قاز و يحرقو بس الحمدلله زبط كل شي و صبغت غرفتي لولي و ذهبي
و سامحوني جوالي القديم اتخرب ف اتمسحت صورة غرفتي كيف كانت ف هذا الي قدرت اجيبو
قبل
بعد
ثاني شي الباركيه ركبت باركيه فلين لون اسود طبعاً اكييد كلكم لما تشوفو تحسبو خشب حقيقي لانو مرره يبان كانو خشب حقيقي
اخدتو من السريع عندهم الوان متنوعه و نقشات مختلفه
عليه ضمان ١٠ سنين
قبل
بعد
و يلا نبدء بالتعفيش طبعاً لفلفت ليين خلاص ف النهاية اخدت
سريري الجمييل
سريري الجمييل
اخذتو من سيتي دبليو و كمان اخذت دولاب ما اخدت كومدينات كنت ما ابغى بس حالياً قاعده افكر اروح اشتريها انشاءلله
على فكره انا عفشي القديم كاتن عفشش بشكل ما تتصورو و ابداً مو من سني تحسو عفش عجايز و ابدا مو لايق على لون الغرفه
يعني جد جد جد كنت كارهه غرفتي بشكل مو طبيعي بس الحمدلله ربي عوضني بكل شي اتمنيتى ف غرفتي
برضو مني لاقيه صوره لسريري القديم الموجود بس الدولاب وقت ما كنت افرغ عفشي و باين الديكور طبعاً
اكسسوارات الغرفه
في شي مهم لسا ما جبتو الي هوا الصوفا لاني جداً حيرانه ف الشكل و انشاءلله حتكون ف جهة الجدار الفاضيه الي هيا من بين الدولاب اين الستاره
المرايا و الرفوف من ايكيا
المرايا لونها خشبي بس خليت الرجال يصبغها مع الغرفه
الستاره و القعده الزغنطوطه اخدتهم من هوم سنتر
قلت اكسر لون الغرفه فيهم و المفروض الستاره توصل للارض بس جداري طويل ف قاعده افكر اغيرها و اجيب و حده شفافه و تكون طىييله للارض بتطلع احلى
و كمان الورده الي فوق العلبه من هوم سنتر
الطاوله اخدتها من هوم بوكس محل يجننننننن و رخيص صراحه قلت بكمل كل اكسسواراتي من عندهم مرره جميل و في كل شي و سعرو يجنن
الطاوله ذي اخدتها للصوفه بس حطيتها جنب السرير لين اشتري صوفه
المزهريه و الورد الي عليها برضو منهم و اخدت ساعه منهم كمان
فرشة سريري اخدتها من اورانج
جميله و قماشها ناعم و جميل
و اللحاف خفيييف
و اللحاف خفيييف
الاضائات
النجفه اخدتها من سوق غراب صراحه انصح اي احد يبا اي نوع من انواع اللمبات يروح اسواااق كثييييره و كلها للمبات بسس
و ادري لون الحدايد فضي بس بصبغو ذهبي قريب انشاءلله بس افضى
و ادري لون الحدايد فضي بس بصبغو ذهبي قريب انشاءلله بس افضى
و اخدت شريط ٥متر ليدلايت و لصقتها تحت السرير
و شوفو كيف تجنن
مررره احب جوها لما اجلس ف غرفتي اتفرج مسلسل او اي شي احب اشغلها
فيها كل الاوان و اتحكم برموت كنترول
