السلام عليكم .. كيفكم بنات
أوك كلنا نعرف أحلى احساس لما يجيكي هدايا خخخ
ماما و بابا دوبهم راجعين من ماليزيا و قررت اوريكم ايش جابو و اكلمكم عنها شويا
ما اعرف الاغراض من فين بزبط لانهم راحو بينانق و لانكاوي و كولا لامبور
جابولي ماسك زينه للغرفة مررره حبيتو و شفت اشكال تجنن ملونه
هذا من مطار كولا لامبور
سعره تقريباً
200 ريال
شكولاتات من مصنع شكوليت قالاري
chocolate galary
هوا مصنع شوكولاته كبير تروحي و تشوفي طريقة صنعهم للشوكلاته و الشوكلاتات هذي طبيعيه تكون شجره و فيها ورق هذا الورق لما يتفك تخرج كور الشكولاتات بعدين هما يضيفولها نكهات فواكه او اي نكهه حبيتها لزيزه اكثر شي حببيت الدارك شكوليت و ما حبيت نكهة الاناناس
اخدو 7 كيلو شكولاته تقريبا ب 800 ريال
و هذي من نفس المحل بس انها علب يعني تنفع هدايا
و شوفو الكميه القليله الي جواتها
هذي العلبة ب 120 تقريباً
سعرها اغلى لانها معلبه معنها نفس الي فوق بس عشان العلبة
و هذي 3 نظارات من محلات عادية مو ماركات يعني
جد حبيتها و حبيت جودتها انصحكم فيها
لبستها كلها ف الجامعة و اتسألت عنها كذا مره
نجي للاكسسوارات كلها من السوق الصيني الي قدام البرجين التوأم
ماما تقول احتارت ايش تاخذ و ايش تخلي
تقول حلوه و رخييصه على 10 على 15 خخ
و ترا حلوه و الوانها حلوه يعني مهي رديئه
نجي للشنط
ماما لما راحت كان راس السنه عندهم ف كان في تخفيضات من 25% الى 70%
هذي شنطة من قيس
guess
كانت ب 600 و شويا سارت ب 250
حبييييتها فوق ما تتصورو فيها جيوب مرره كثير و مرره تشيل اشياء كثير و معاها ستراب طويل تنفع لكل مكان احس صباح او مساء
و هذي شنطة جلد طبيعي
سعرها 560
معاها ستراب طويل
حبيتها للجامعة سرت استخدمها طول الوقت مريحة مرره
هذه محفظه للبطايق قعدت اقول لماما انقذتوني من قروشة الجامعة ههه
جد مرره ريحوني لاني كل يوم الصباح اتأخر على كلاساتي عبال ما اطلع البطاقة من الشنطه و قروشه هذي علقتها على رقبتي و بس افكها و خلاص
المنااكييير
الماركه اسمها اليانترو
تجنن و الوانها خطييره
سعر الحبه على 12 تقريباً خخ الله يديم الرخص بس
و هذي ستيكر للاظافر
حلوه اشكالها و فخمة انشالله بس اجربها اقلكم رايي عنها بالتفصيل
