السلام عليكم ورحمة الله و بركاته
أول شي هذي اول مدونة حسويها و قررت اني اسويها بذات لانو ما قد شفت بلوقر من ينبع لين الان ف انشاءالله تستفيدو منها و من كل شي حكتبه
أول شي اشتريت حلق من شانيل جدا مريح ف اللبس ما يعور ف الأذن ولا شي و كلاسيك جدا
سعره 1280 ريال
chanel
اسواره من لويس فيتون ناعمه و حقت لبس يومي يعني ممكن تلبسيها ف الجامعة و ف كل خرجاتك عموماً بس عيبها مغناطيسها قوي يعني لا تحاولي تفكيها بقوه عشان ما تنقطع
سعرها 855 ريال
Louis vuitton
باقي الاشياء الجايه جاتني هدايا بس حقولكم رأيي فيها
بودره برونز من اف سان لوران مررره حبيتها و استخدمتها للكنتور اعطاني لوك طبيعي و دمجت شويا منها مع البلشر ف سار ميكس حلو مع لون البلشر الي استخدمه
إسواره من تاتوتاتي جمييله جدا الاثنين البسهم مع بعض و حلوا مع كل لبس سوا كاجول او لبس فخم
سلسلة من تاتوتاتي شكل عين زرقاء طبعاً البسها للزينه و مو لأي غرض ثاني
tattoo tatti
طقم من باث اند بودي بخاخ جسم و لوشن و شاور جيل
ريحته جميييلة أستخدمتها بعد الشاور يعطي نعومه حلوه لأنو مكون من زبدة الشيا و فيتامين إي
bath and body
طقم من فيكتوريا سيكرت برضو استخدمته لبعد الشاور و قد اشتريت نفس الطقم دا ريحة فرنسيه هاديه ريحت ورود مكون من بخاخ جسم و لوشن و شاور جيل و ممكن يستخدم كا شامبو
Victoria secret
طقم ثاني من فيكتوريا سيكرت مكون من بخاخ جسم و لوشن و شاور جيل و ممكن يستخدم كاشامبو برضو مجربته قبل كذا حبيته ريحت خوخ و كرز
هذي نهاية البلوق اتمنى عجبكم و أستفدتو أكتبولي رأيكم ف الكومنت و أي ستفسار الله يحيكم
ليست هناك تعليقات:
إرسال تعليق